”Гацуурт”-ын Л.Чинбат, Л.Гүндалай нарын гэрээс алтан бурхан, үнэт эдлэл хулгайлагджээ

 Манай улсын нэр бүхий хүмүүсийн гэрт нь хулгай орсон хэрэг гарчээ. Тодруулбал, Хан-Уул дүүргийн хоёрдугаар хорооны нутаг дэвсгэрт Нүхтийн амны зургаан айлд хулгай орж, алтан бурхан, үнэт эдлэл нь  хулгайлагдсан байна.

Уг хэргийг үйлдсэн этгээд БНСУ-ын иргэн байсан бөгөөд хулгайлсан бурхадынхаа заримыг каргороор явуулсан байна. Мөн  тэрээр өмнө нь БНСУ-д хэд хэдэн удаа хулгайн хэргээр шийтгүүлж байжээ.

Хулгайд эд зүйлсээ алдсан  зургаан айлын дотор "Гацуурт"-ын Л.Чинбат, цагдаагийн эрх бүхий албан тушаалтан, Бизнесмэн н.Оргил, УИХ-ын гишүүн асан Л.Гүндалай  зэрэг айлынх байгаа гэнэ.

Уг хэргийг Хан-Уул дүүргийн цагдаагийн хоёрдугаар хэлтэст шалгаж эхэлсэн байна. Урьдчилсан байдлаар тэрбум гаруй төгрөгийн хохирол учруулжээ.

Б.Алтжин