Алт олборлогч аж ахуйн нэгж, иргэд хандан уриалга гаргалаа

2017 оны 02 сарын 06

Алт нь гадаад валютын улсын нөөцийг нэмэгдүүлэх гол эх үүсвэрийн нэг байдаг. Монгол Улсад мөрдөгдөж буй эрх зүйн орчин таатай болсноор Монголбанкинд тушаах алтны хэмжээ 2014 оноос эхлэн тасралтгүй нэмэгдэж, 2016 онд 18.3 тоннд буюу 702 сая ам.доллартай тэнцэх хэмжээнд хүрсэн амжилтаар бид өнгөрсөн оноо үдлээ. Үүний үр дүнд гадаад валютын улсын нөөц 2016 оны турш тогтвортой байж, оны эцэст 1.3 тэрбум ам.доллартай тэнцүү байлаа.

2017 онд Монголбанк, Засгийн газраас алт олборлолтыг нэмэгдүүлж, Монголбанкны худалдан авах алтны хэмжээг 25 тоннд хүргэх зорилт тавиад байна. Монголбанкнаас уг зорилтыг биелүүлэхэд чиглэсэн шат дараатай дараах арга хэмжээг авч хэрэгжүүлж байна. Үүнд: (1) 2016 оны 12 дугаар сарын 14-ний өдрөөс эхлэн дотоодын зах зээлээс худалдан авах алтны ханшийг Лондонгийн үнэт металлын биржийн үнэтэй тэнцүү байхаар тогтоосон; (2) Засгийн газар, Монголбанкнаас “Алт - 2” хөтөлбөрийг хэрэгжүүлэхээр ажлын хэсэг байгуулан ажиллаж байна.

Алт олборлогч аж ахуйн нэгж, иргэд та бүхнийг Монголбанкнаас дэвшүүлсэн зорилтыг биелүүлэхэд хамтран ажиллахыг уриалж байна.

Монголбанкны Хэвлэлийн Алба

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ardiin nam ch zuv hu (112.72.11.108)  2017 оны 02 сарын 07

Ardiin nam CH zuv l hudulj bna daa ardchilsan nam zogsoono tsartsaana geed l garch risen yu hojiv doo

0  |  0
АЛТЫГ АВААД ГАЗРЫН (202.9.40.28)  2017 оны 02 сарын 06

АЛТЫГ АВАХЫН ТӨЛӨӨ УЛАЙРДАГ ШИГЭЭ УС БАЙГАЛЫГ СЭРГЭЭДЭГ БАЙМААР БАЙНА. АЛТ ОЛБОРЛОЖ БАЙГАЛАА СЭРГЭЭЖ ЧАДАХГҮЙ БОЛ БАЙГАЛ СҮЙТЭГСЭНИЙ МӨНГИЙГ НЬ ТОДОРХОЙ ХУВИАР АВЧ БАЙГАЛ СЭРГЭЭХ АЖИЛТАН БЭЛТГЭН ТЭДЭНТЭЙ ГЭРЭЭГЭЭР АЖИЛЛАЖ ГҮЙЦЭТГЭЛЭЭР НЬ ЦАЛИН МӨНГИЙГ НЬ ОЛГОДОГ БАЙМААР БАЙНА.

0  |  0
Top