“Оюутолгой” дэлхийн топ 50 компанийн нэгээр шалгарлаа

Уул уурхайн салбарын судалгааны  IntelligenceMine болон mining.com сайт хамтран дэлхийн уул уурхайн салбарын хамгийн том 50 компанийн жагсаалтыг гаргасан талаар mongolianminingjournal.com  сайтад мэдээлжээ.  Уг жагсаалтыг  гаргахдаа энэ оны эхний улирлын зах зээлийн үнэлгээгээр нь зэрэглэсэн байна. Дэлхийн топ  50 компанийн  энэхүү жагсаалтад  “Оюутолгой” компанийн 66 хувийг эзэмшдэг “Туркойз Хилл Ресурс” компани 6.2 тэрбум ам.долларын үнэлгээтэйгээр жагсаалтын 47 дугаарт эрэмбэлэгдсэн байна. 

Сонирхуулахад,  2016 онд "Оюутолгой" компани Монгол улсын засгийн газарт татвар, хураамж, болон бусад төлбөрт 210 сая ам.доллар төлж, үндэсний болон Өмнөговийн худалдан авалтад 279 сая ам.доллар зарцуулсан байдаг.  Мөн өнгөрсөн онд баяжмал дахь 201,300 тонн зэс, 300,000 унци алт үйлдвэрлэсэн бол 2017 онд “Оюу толгой” компани баяжмал дахь агуулгаар 130,000-160,000 тонн зэс болон 100,000-140,000 унци алт үйлдвэрлэх төлөвтэй байгаа юм. 

Б.Алтжин