ОУВС-аас 5,5 тэрбум ам.долларын ЗЭЭЛ авахаар болжээ

ОУВС-гийн хөтөлбөрт  хамрагдах Монгол Улсын Засгийн газрын хүсэлтийг хэлэлцэх Захирлуудын зөвлөлийн хурал урьд шөнө болж, тус сангийн “Өргөтгөсөн санхүүгийн хөтөлбөр”-т хамруулах шийдвэр гаргажээ. Энэ талаар өнөөдөр Сангийн яам, Монгол банк, ОУВС-гийн суурин төлөөлөгчийн газар хамтран дэлгэрэнгүй мэдээлэл өгөх тухай өчигдөр мэдээлсэн.

ОУВС-д Монгол Улс хамрагдсанаар 440 сая ам.долларын санхүүжилт буюу нийт 5.5 тэрбум ам.долларын хөнгөлөлттэй зээл авах юм.

ОУВС-тай хамтран хэрэгжүүлэх "Өргөтгөсөн санхүүгийн хөтөлбөр" нь манай улсад гурван жилийн хугацаанд хэрэгжих аж.

Тиймээс УИХ-ын нэгдсэн чуулганы хуралдаанаар Монгол Улсын Засгийн газар, Дэлхийн банкны Олон улсын хөгжлийн ассоциаци хооронд байгуулсан “Өргөтгөсөн санхүүгийн хөтөлбөр”-ийг соёрхон батлах тухай хуулийн төслийг хэлэлцэж, батлах юм байна.

Б.Энх-Уянга