Бүх алтны уурхайгаа төрийн мэдэлд авахаар шийджээ

Венесуэлийн эрх баригчид тус улсад үйл ажиллагаа явуулдаг алтны уурхайнуудыг бүгдийг нь төрийн мэдэлд авах шийджээ. Түүгээр ч барахгүй АНУ болон Европт байршиж байгаа бүх баялгаа эх орондоо эргүүлэн татах буюу найрсаг харилцаатай орнууддаа шилжүүлэхээр болсон байна.

 Египетийн Хосни Мубарак, Мароккогийн Бен Али, Ливийн М.Каддафи нарын зэрэг удирдагч аснууд олон тэрбумаар хэмжигдэх хөрөнгөө АНУ, Европын улсуудад түгжүүлсэн явдал Венесуэлийн удирдагчдад ийм сэдэл төрүүлсэн байх магадлалтай. Барууны гэж нэрлэгддэг улс орнуудад Венесуэлийн 211.35 тонн алт хадглагдаж байдгийг ирэх долоо хоногоос эхлэн бүгдийг нь буцааж татахаар болсон байна.

Түүнээс гадна ам.доллар, евро болон бусад улсын валют хэлбэрээр хадгалгдаж байгаа 6.2 тэрбум ам.доллартай тэмцэх хөрөнгөө ОХУ, БНХАУ, Бразил зэрэг найрсаг харилцаатай орнууддаа шилжүүлэхээр болжээ. 

Венесуэль улс түүхэндээ хоёр удаа буюу 1965, 1977 онд “Уул уурхайн тухай хууль” баталж байсан бөгөөд тухай бүрд нь хувийн хэвшлийг эрх ашгийг хамгаалсан заалтуудыг суулгаж өгсөн байдаг. Шинэ хууль батлагдсанаар энэ улсад “Алтны хувийн уурхай” гэсэн ойлголт үгүй болж байгаа юм. Тус улсын хамгийн ойрын түнш болох ОХУ болон Канадтай хамтарсан компаниудыг “оролдохгүй” аж. Тиймээс Венесуэлийн хамгийн том алтны уурхайг эзэмшдэг "Rusoro Mining" Ltd зэрэг аж ахуйн нэгжүүд цаашид үйл ажиллагаагаа хэвийн үргэлжлүүлэх боломжтой болж байгаа аж.  

Венесуэль нь жилд олборлох алтны хэмжээгээрээ дэлхийд 15 дугаар байрт ордог бөгөөд  бэлэн нөөц нь 365.8 тонн гэж тооцогддог. 

С.Төгөлдөр