Хятад улс Монголоос авах нүүрснийхээ хэмжээг бууруулахгүй

Дэлхийн зах зээл дээр эрчим хүчний нүүрсний эрэлт буурч байгаа ч энэ нь Монгол Улсад нөлөөлөхгүй гэнэ. Учир нь гол худалдан авагч БНХАУ худалдан авалтын хэмжээгээ ирэх жил бууруулахгүй аж. "South Gobi energy resources" компани ингэж мэдээлсэн байна. Эрчим хүчний нүүрсний хэрэглээ ойрын ирээдүйд багасч, үнэ нь буурна гэсэн таамаглалыг энэ салбарт үйл ажиллагаа явуулдаг томоохон компаниуд хийж эхэлсэн. Жишээлбэл, АНУ-ын "Альфа" компани энэ оны эхний хагаст олборлолтын хэмжээгээ багасгасан бол "Arch Coal" компани мөн ийм шийдвэр гаргасан байна. "Вальтер" уурхай мөн энэ онд хийхээр төлөвлөж байсан худалдааныхаа хэмжээг бууруулж тооцжээ.     

С.Төгөлдөр