Өөр өнгийн арьстай төрсөн хачирхалтай ихэр

Мяриа, Люси гэх охид 1996 оны нэгдүгээр сарын 16-нд Англи улсад мэндэлжээ. Гэвч тэднийг анх хараад ээж нь үнэхээр цочирдсон гэнэ. Тэд хэдий нэг хэвлийгээс гарсан боловч хоёулаа өөр өнгийн арьстай төрсөн байв. Мэдээж энэ явдалд цочирдсон өөр нэг хүн байсан нь эх баригч юм. Тэрбээр эхэд нь охидыг өгөхдөө нэг ч үг хэлээгүй гэдэг.

Ийнхүү охид том болох үед ээж нь адилхан хувцасладаг байжээ. Гэвч охид хоорондоо өөр өөр үзэл бодолтой байсан аж. Тэд эгч дүүс биш юм шиг, ихрүүд гэж хэзээ ч хэлэхээргүй хоорондоо өөр ааш авиртай байсан юм.

Тэд хэлэхдээ, “Бид ихэр гэдэгтээ нэг л итгэж өгдөггүй. Хичнээн адилхан хувцасласан ч гэлээ бид эгч дүүс шиг харагдахгүй шүү дээ. Найзууд маань биднийг ихэр гэдгээ нотлох гэсэн л төрсний гэрчилгээтэй гэж хэлдэг. Бид яагаад ингэж өөр харагддаг юм бэ” гэжээ.

Харин энэхүү асуултанд нь охидын ээж 49 настай Донна Дуглас балмагддаг байсан. Гэвч учрыг нь олохоор шийджээ. Охины ээж Ямайка гаралтай. Эцэг нь 55 настай Винсе Аилмерийн гарынх арьс хар цагаан өнгөтэй аж. Иймд ээжийнхээ талын дээд өвгөөс удамшсан тул нэг охин содон арьстай төрсөн гэж үздэг юм байна.

Б.Номин

Эх сурвалж: WWW.ZINDAA.MN