Hello Kitty хүүхэлдэйн аймшигт түүх

1970 онд Хятадын нэгэн эмэгтэйн охин 14 настайдаа амны хорт хавдар гэдэг өвчин тусчээ. Улмаар эмэгтэй охиноо аль сайн гэсэн эмнэлгээр эмнүүлсэн боловч тусыг эс олсон байна. Гэтэл нэгэн чөтгөр охиныг эдгээж өгье оронд нь нэг шаардлага биелүүлж өг гэв. Тус шаардлагад "амгүй хүүхэлдэйгээр намайг амилуулж бүх хүүхдүүдэд шүтэгддэг болго" гэсэн байна. Эмэгтэй чөтгөрийн хүсэлтийг зөвшөөрснөөр төд удалгүй охин эдгэрч. Харин эмэгтэй чөтгөрт амласан ёсоор амгүй хүүхэлдэй Hellо Kitty-г бүтээж худалдаанд гаргажээ. Хүүхэлдэй амгүй ба хоёр чих нь үзүүртэй чөтгөрийн чихээр дүрслэгдэн бүтээгдэв. Kitty гэх нэр нь Хятадаар Demon гэх утгатай бөгөөд Hello Kitty гэхээр Hello Demon буюу чөтгөрийн ертөнцөд тавтай морилно уу гэх утгыг агуулжээ. Дараа нь Японы нэгэн компани Hello Kitty-н эрхийг авч үйлдвэрлэх болсон байна. Үйлдвэрлэх явцад мөн адил амгүй хийсэн нь чамайг гунигтай бол Кити гунигтай, чамайг инээмсэглэвэл Кити инээмсэглэдэг чиний мэдрэмжээр хувирдаг гэж тайлбарлажээ. Уг явдлыг жинхэнэ болсон явдал гэхэд итгэх хүн байдаггүй учир хотын домог хэмээн тайлбарладаг хүмүүс олон бий. Чөтгөр шулам гэж байдаггүй хийсвэр ойлголт гэж үзэж домог хэмээжээ.

Тус хүүхэлдэйн өөр домгууд ч мөн байдаг юм. Тухайлбал, Европын баян нэгэн гэр бүл хүүхэд ихээр хүсдэг байв. Улмаар охинтой болсон боловч охин нь амгүй төрсөн учраас өлбөрч үхжээ. Эцэг эх нь охиноо дурсан амгүй хүүхэлдэй хийсэн байна. Охиныг нь Kitty гэж өхөөрдөж нэрлэдэг байсан гэдэг аж.

Харин Японы түүх нь арай өвөрмөц юм. Японд амьдарч байсан нэгэн охин амны хорт хавдар туссан байна. Охинд Kitty гэх чихмэл хүүхэлдэй байсан ба охин түүнд маш их хайртай байжээ. Харамсалтай нь охин өвчнөө дийлэлгүй нас барсан байна. Улмаар охины сүнс хүүхэлдэйд шингэж хүүхэлдэй амгүй болсон гэдэг байна.

Б.Янжиндулам

www.zindaa.mn