Темза голын уснаас уусан жүжигчин комд оржээ
Их Британийн жүжигчин, алдартай хөгжмийн зохиолч 37 настай Дариус Кэмпбелл саяхан “Fresh2o” брэндийн рекламны зураг авалтад оролцсон байна. Усыг цэвэршүүлж, шүүдэг төхөөрөмжийг рекламдаж байсан зураг авалтын үеэр алдаа гарчээ. Жүжигчин Темза голын уснаас хутган ууж байгаа хэсэг дээр саванд нь шүүлтүүр байрлуулахаа мартсан байсан аж. Үүнээс болж Дариус Кэмпбелл хордож эмнэлэгт хүргэгджээ. “Би бичлэгэндээ орчихоод ээжийнхээ төрсөн өдөрт явсан. Гэтэл бие муудсан” гэж жүжигчин залуу ярьсан байна.
Жүжигчинд тархины хаван болон бактерийн гаралтай менингит гэсэн онош тавьжээ. Тэрбээр комд орж, хэдэн цагийн дараа ухаан орон бие нь сайжирсан байна. Гэхдээ Дариус Кэмпбелл “Fresh2o” компанитай эргэн хамтран ажиллана гэжээ. Ус цэвэршүүлэх төхөөрөмж хамгийн их хэрэгтэй байгаа Африкийн иргэдэд уг бүтээгдэхүүнийг хүргэхийн төлөө ажилламаар байна гэдгээ жүжигчин ярьжээ.
О.Саша
Сэтгэгдэл ( 2 )
Yostoi uhaantai zalyy bna daa. Gomdol ntr gej gonshignohguk harin ch bvvr ushuu ilvv tugeehdene tyslana geed
huurhii ter gold amidarch bgaa amtad om maani badme hum