БЗД-ийн Тамгын газрын байранд иргэд ЭСЭРГҮҮЦЛЭЭ ИЛЭРХИЙЛСЭЭР БАЙНА
Баянзүрх дүүргийн Тамгын газрын байр өнгөрөгч гуравдугаар сарын 29-ний өдрөөс хойш хөл үймээнтэй байна.
Баянзүрх дүүргийн 10, 19 дүгээр тойрогт өнгөрсөн сарын 23-ны өдөр дахин сонгууль болж өнгөрсөн. Дахин сонгуулиар МАН-аас нэр дэвшсэн Г.Доржпалам, Б.Галхүү нар ялалт байгуулж, дүүргийн ИТХ-ын төлөөлөгчийн түр батламжаа гардан аваад байгаа.
Ингэж бүрдсэн дүүргийн ИТХ хуралдаж, Засаг даргаар НИТХ-ын төлөөлөгч Э.Бат-Амгаланг сонгож, хотын дарга С.Амарсайхан батламжилсан. Уг томилгоог эсэргүүцсэн иргэд үймээн дэгдээж, Засаг даргын ажил хүлээлцэхээр очсон нийслэлийн удирдлагуудыг дотогш нэвтрүүлэхгүй байна.
Ардчилсан намынхны зүгээс “МАН-ынхан МАН-ын гишүүнээ эсэргүүцлээ” гэсэн мэдээлэл цацаж эхэлсэн бол МАН-ынхан “Ардчилсан намынхан Тамгын газрын байр руу дайрч орж, үймээн дэгдээлээ” гэж тайлбарлаж байгаа юм.
Эсэргүүцлийн хөдөлгөөн өрнүүлж буй иргэд болон АН-ын зүгээс Баянзүрх дүүргийн 10,19 дүгээр тойрогт болсон дахин сонгуулийг хууль бус болсон хэмээн шүүхэд хандаад байгаа бөгөөд одоогоор 19 дүгээр тойрогт ялалт байгуулаад байсан Б.Галхүүг шүүхээс түдгэлзүүлээд байгаа аж.
Сэтгэгдэл ( 3 )
дүүргийн ажилтнуудыг хорооноос хүний нэр өг гээд шахаад байсан шүү дээ Баясах даргаа та болиоч та юу хийсэн вэ тайлангаа тавь даа халагдсан Төрийн сангийн ажилтан нарт л 20 сая хүртэл төг-ийн тусламж өгсөн л байх даа
Ард түмэн булаасны биш булаагдсаны талд байдаг юм шүү МАН-ынхаан................
Доржпалам новш бас 120 мянгыг тараасан адилхан лалар шүү дээ. Бас бүрэн эрхийг нь зөвшөөрөх ёсгүй этгээд. МАН сөнөхийнхөө өмнө жижиг юмны төлөө ч хамаг хууль бус мөнгөө хайргүй цацаж байнаа хөөрхий......МИ Энхболд ахын 2017 онд хужаа нараас авсан мөнгөний үлдэгэдэл шавхруу дуусах болоогүй ээ зөндөө бий. 2020 онд бас л тараана даа. Аваад муриарай