С.Эрдэнэ гишүүний “нэрэмжит” барилгын 12 давхраас ууттай цемент унаж гурван хүн амиа алдах шахжээ
Барилгаас бүтэн ууттай цемент унаж замаар явж байсан суудлын автомашинтай гурван хүнийг амийг хороох шахсан хэрэг өчигдөр Сүхбаатар дүүргийн нутаг дэвсгэрт гарлаа. Төв зам руу тулган, хөдөлгөөний аюулгүй байдалд саад учруулан баригдаж буй уг барилга нь УИХ-ын гишүүн С.Эрдэнийн “нэрэмжит” 12 давхар орд харш юм гэнэ. Ууттай цементийг энэ барилгын 12 дахь давхраас санаатай, санаандгүйн аль бүү мэд доош унагаж ийм аймшигт явдалд хүргэлээ. Хэргийг цагдаагийнхан шалгаж эхлээд байна. Эмнэлэгт хүргэгдсэн гурван хүний биеийн байдал тийм ч сайнгүй байгаа гэнэ. Уг барилгаас урьд нь мод, төмөр унагаж байсан байна. Барилга барьж буй компани нь “Гао Хоа” гэх Хятадын хөрөнгө оруулалттай компани ажээ.
Х.Тулга
Zindaa.mn-Үндэсний чөлөөт мэдээллийн портал
Холбоотой мэдээ
Сэтгэгдэл ( 0 )