22-ын товчоог хаана
Манай улс хаварын улиралыг зам засварын ажилаар төсөөлдөг болоод олон жилийг үдэж байна. Жам ёсоор өнөөдөр ч нийслэлийн хэд хэдэн замыг хааж засварын ажил хийгдэж байна. Тухайлбал Толгойтын авто замын төмөр замтай огтлолцдог уулзварыг өчигдөр 23.00 цагаас хааж, гурав хоногийн хугацаанд авто замын хучилтын ажил хийхээр болжээ. Түүнчлэн уг төмөр замтай уулзвараас Сонсголонгийн уулзвар хүртэлх нэг км замыг энэ сарын 11 хүртэл хааж, шугам сүлжээний болон төмөр замын уулзварын өргөтгөл шинэчлэлийн ажлыг гүйцэтгэнэ. Харин 22-ын Шалган бүртгэх товчооноос Улаанбаатар самбар хүртэлх 4.3 км замыг өнөөдрөөс долдугаар сарын 5-ны өдөр хүртэл хаана. Бага тойруугийн замд "Зоос гоёл"-ын уулзварын хойд талаас СУИС-ийн зүүн урд уулзварын баруун тал хуртэлх хэсгийг өнөөдөр 23.00 цагаас хааж, хучилтын ажлыг гүйцэтгэхээр болсон байна.
Т.Алтаа
Zindaa.mn-Үндэсний чөлөөт мэдээллийн портал
Холбоотой мэдээ
Сэтгэгдэл ( 0 )