Хэд хэдэн замын хөдөлгөөнийг хаав

Нийслэлийн зам засварын урсгал ажлын хүрээнд тогтсон хуваарийн дагуу авто замын хөдөлгөөнийг ээлжлэн хааж байгаа. Энэ удаад Бага тойруугийн зам буюу Зоос гоёлын уулзварын хойд талаас СУИС-ийн зүүн урд уулзварын баруун тал хүртэлх замыг хучилтын ажил гүйцэтгэх болсонтой холбогдуулан энэ сарын 19-ний 23.00 цаг хүртэл, мөн Толгойтын төмөр замтай уулзвараас Сонсголонгийн уулзвар хүртэлх нэг км замыг зургадугаар сарын 11 хүртэл хаав. Мөн 22-ын Шалган бүртгэх товчооноос Улаанбаатар самбар хүртэлх 4.3 км замыг долдугаар сарын 5-н хүртэл хаасан тул энэ чиглэлд хөдөлгөөнд оролцохдоо Саппорогийн аюулгүйн тойргоос Гурвалжингийн гүүрээр ТЭЦ-4-ийн зам орж, Сонсголон руу гарах юм байна. Сүхбаатар дүүргийн ЗДТГ-ын баруун талаас Герман улсын ЭСЯ-ны урд талын замыг энэ сарын 16 хүртэл, Баянгол дүүргийн ЭНЭШТ-ийн урд талын туслах замыг мөн энэ сарын 10-н хүртэл хааж, сэтлэх болон засвар, нөхөн сэргээлтийн ажил хийнэ.

Эх сурвалж: МОНЦАМЭ