Өнөөдөр элсэлтийн шалтгалтын шар хуудсыг тараана

Их дээд сургуульд элсэн суралцах сурагчдын элсэлтийн шалгалт авах  анги, танхим, суудлын хуваарийг баталгаажуулсан шар хуудсыг тараахад бэлэн болжээ. Одоогийн байдлаар ерөнхий  шалгалтанд нийт   39043 хүүхэд  бүртгүүлээд байна. Сурагчид  Боловсрол, соёлын газраар дамжуулан сургуулиасаа  суудлын хувиараа авна. Улаанбаатар хотын өмнөх оны шалгуулагчид суудлын хувиараа энэ сарын 8-наас буюу өнөөдөр “Соёмбо” дээд сургууль дээр байрлах Боловсролын үнэлгээний төвийн мэргэжилтнүүдээс, харин хөдөө орон нутгийн өмнөх оны шалгуулагчид  харьяа аймгийн Боловсрол соёлын газар болоод элсэлтийн шалгалтын зөвлөгөө мэдээллийн ажилтнаас авна. Сурагчдын зүгээс Бүртгэлийн хуудас /баталгаажуулсан байх/, суудлын хуваарь, бүрэн дунд боловсролын үнэмлэх, түүнээс доош боловсролын баримт бичиг,  иргэний үнэмлэх болон мөн түүнтэй адилтгах баримт бичгийг бүрдүүлсэн байх хэрэгтэй бөгөөд Элсэлтийн ерөнхий шалгалтын  дүн, оноо  жагсаалтыг ирэх долдугаар сарын  01-ний өдрийн 09:00 цагт www.eec.mn  вебсайтад байрлуулна. Батламж картаа долдугаар сарын 1-5-ны хооронд тараах ажээ.

Б.Эрдэнэ.

Zindaa.mn- Үндэсний чөлөөт мэдээллийн портал