Ханхүү Харригийн гэр бүл Америк явна

Их Британийн ханхүү, 35 настай Харри, түүний эхнэр, 38 настай Меган Маркл нар хэсэг хугацаанд амралтаа авахаар төлөвлөжээ. Сассексын гүн, гүнгийн ахайтан хоёр гэр бүлээрээ ирэх сарын дундуур Америк явах гэнэ. Тэдний хүү ээжийнхээ төрсөн нутгийг анх удаа харах аж.

Меган Маркл саяхан хүүгээ тээж байхдаа жирэмсний үеийн сэтгэл санааны хямралд их өртөж байснаа ярьжээ. Харин ханхүү Харри эхнэр болон бяцхан хүүгийнхээ талаар ярихдаа Диана гүнжийг санан нулимс дуслуулж байсан юм.