Гашуунсухайтад тусгаарлагдсан 12 хүний шинжилгээний хариу СӨРӨГ гарчээ

Ө.Уранзаяа | Zindaa.mn
2020 оны 02 сарын 23

Дэлхийн эрүүл мэндийн байгууллагын мэдээлснээр 2020 оны хоёрдугаар сарын 23-ны 10:00 цагийн байдлаар шинэ коронавирусийн халдвар 78741 боллоо. Монгол Улсад шинэ коронавирусийн халдвар бүртгэгдээгүй бөгөөд сэжигтэй тохиолдол бүрийг тусгаарлан тандалт, шинжилгээ хийж байгаа юм. 

Эрүүл мэндийн яамны өнөөдрийн /2020.02.23/ шинэ коронавирусийн тархалтын нөхцөл байдлын талаарх мэдээллийн үеэр ХӨСҮТ-ийн захирал Д.Нямхүү бүртгэгдсэн сэжигтэй тохиолдлуудын талаар мэдээлэл өглөө. 

Тэрбээр “2020 оны хоёрдугаар сарын 21-нд ХӨСҮТ-д тусгаарлагдсан тохиолдлын шинжилгээний хариу сөрөг гарсан. Өмнөговь аймгийн Гашуунсухайт боомтод тусгаарлаглсан 12 хүний шинжилгээний хариу сөрөг гарсан. Өчигдөр буюу 2020 оны хоёрдугаар сарын 22-ны өдөр ХӨСҮТ-д шинэ коронавирусийн зургаан сэжигтэй тохиолдол тусгаарлагдсан. Маргааш хариу нь гарна” гэв.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top