КОВИД-19: Роналду халдварын сэжигтэй тохиолдлоор тусгаарлагдана

Италийн “Ювентус” багийн хамгаалагч Даниэле Ругани коронавирусний халдвар авсан нь тогтоогдсоноор түүний багийг тусгаарлан шалгаж эхэлсэн байна.

Мөн тус багтай өнгөрсөн амралтын өдөр тоглосон “Интер” багийнхныг ч мөн адил шалгах болжээ. Роналду мөн "Ювентус" багт тоглодог билээ. 
 

Ругани тэр тоглолтод оролцоогүй, сэлгээний суудалд сууж байсан ч багийнхантайгаа ялалтын баяраа хамт тэмдэглэсэн байна.
 

“Ювентус” тусгаарлалтад орсноор энэ сарын 17-нд болох Аваргуудын лигийн “Лион”-той хийх тоглолт хойшлогдлоо.

“Интер” багаас “Даниэле Ругани COVID-19 халдвартай нь тогтоогдсоноор манай баг одоо шаардлагатай бүхий арга хэмжээг авч байна, Бүх тэмцээн, уралдаанд орохоо зогсоосон” гэж мэдэгджээ.