“Ковид-19, эрүүл мэндийн тогтолцооны хяналт” платформыг нээлээ

Эрүүл мэндийн яамнаас коронавируст халдварын нөхцөл байдлын мэдээллийг 2020 оны дөрөвдүгээр сарын 04-ний өдрийн 11:00 цагийн байдлаар мэдээллийг өглөө.

ДЭМБ-ын мэдээллээр "2020 оны дөрөвдүгээр сарын 3-ны байдлаар 976249 тохиолдол, 50489 нас баралт ДЭМБ-д мэдээлэгдсэн. Европ, Хойд Америк цар тахлын голомт боллоо.

Хамгийн их өвчлөлтэй оронд АНУ, Итали, Испани, Герман, Франц орж байна. Сүүлийн 24 цагт АНУ-д 12 хувь, Италид 4 хувь,  Испани, Герман, Франц улсад 8 хувиар нэмэгдлээ. ДЭМБ-ын Европын бүсийн захирал хэлэхдээ “ковид-19”-тэй холбоотой асар их мэдээлэл байгаа боловч хариу арга хэмжээний мэдээллийг нэгтгэж дүгнэсэн улс орон европын бүсэд байхгүй байна гэж тэмдэглэсэн.

Иймд дөрөвдүгээр сарын 2-нд ДЭМБ-ын Европын бүсээс улс орнуудад төлөвлөлтөд суурилсан шийдвэр гаргахад шаардлагатай мэдээллийг нэгтгэсэн “Ковид-19, эрүүл мэндийн тогтолцооны хяналт” нэртэй мэдээллийн платформыг нээсэн. Энэ мэдээллийн санг цар тахлын үе шат бүрд шинэчлэн бодлого шийдвэр гаргахад дэмжлэг болгож, тогтмол шинэчлэн боловсруулж байх юм.

ШУУД ҮЗЭХ