Хоёр хүн эдгэрч, нэг тохиолдол нэмэгдсэнээр халдварын тоо 141 боллоо

Т.Давааням | Zindaa.mn
2020 оны 05 сарын 22

ЭМЯ-ны мэдээллээс ХӨСҮТ-ийн захирал Д.Нямхүүгийн мэдээллийг онцлон хүргэж байна.

Тэрбээр “Тавдугаар сарын 21-нд нийт 403 хүнд шинжилгээ хийсэн. Үүнээс нэг хүний сорьц эерэг гарлаа. Ингээд батлагдсан тохиолдол 141 боллоо. Энэ хүн ХӨСҮТ-д тусгаарлагдаж байсан, давтан шинжилгээгээр короновирусний халдвар илэрсэн. Тавдугаар сарын 13-нд ирсэн цэргийн сургуулийн оюутан. Цэргийн сургуулийн оюутнуудаас анх 55 тохиолдол илэрсэн бол өнөөдөр 57 дахь тохиолдол батлагдлаа. Мөн хоёр хүн эдгэрч, өнөөдөр дараагийн шатны хяналтад шилжиж байна. Ингэснээр эдгэрсэн тохиолдол 28 боллоо. Халдвар судлалын үүднээс үзэхэд, короновирусний халдвартай байсан хүнтэй ойрын хавьтал нь халдвар авах эрсдэл өндөр болох нь батлагдлаа” гэж ХӨСҮТ-ийн захирал Д.Нямхүү мэдээллээ. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
b(103.14.38.10) 2020 оны 05 сарын 22

bayar hurgue!!

0  |  0
Top