Ерөнхийлөгч АН-аас сонгогдсон УИХ-ын гишүүдийг нэгдэж ажиллахыг захив

Э.Мөнхжин | Zindaa.mn
2020 оны 06 сарын 29

Улсын Их Хурал (УИХ)-ын 2020 оны ээлжит сонгуулийн санал хураалтын дүнгээр тойрог тус бүрт хамгийн олон санал авч, Сонгуулийн Ерөнхий хорооны шийдвэрийн дагуу УИХ-ын гишүүний үнэмлэхээ гардан авсан АН-ын гишүүдийг өнөөдөр Монгол Улсын Ерөнхийлөгч Х.Баттулга хүлээн авч уулзлаа.

Ээлжит сонгуульд бүлэг байгуулах хэмжээнд амжилттай оролцож, сонгогдсон УИХ-ын гишүүдэд Монгол Улсын Ерөнхийлөгч Х.Баттулга баяр хүргэж, ард иргэдийн хүлээлгэсэн итгэлийг дааж ажиллахыг захилаа. Мөн өнгөрсөн парламентын үед гарсан талцал, хуваагдлыг давтахгүйгээр эв нэгдлийг чухалчилж, сахилга баттай, бүлгийн хэмжээнд нэг хүн шиг ажиллах ёстой гэв.

Коронавируст цар тахлын нөлөөгөөр хүндэрсэн эдийн засагт анхаарал хандуулахын хажуугаар малчдын аж байдалтай ойр байж, хөдөө аж ахуй, уул уурхайн асуудлыг бүрэн эрхийнхээ хугацаанд байнга анхаарч ажиллахыг мөн захилаа.

Монгол Улсын Ерөнхийлөгч Х.Баттулга уулзалтын төгсгөлд АН-ын бүлгийн гишүүдтэй санал солилцож, хамтран ажиллахад бэлэн гэдгээ илэрхийлэв.

Уулзалтад, Монгол Улсын Ерөнхийлөгчийн Тамгын газрын дарга Ө.Шижир, УИХ-ын гишүүний үнэмлэхээ гардан авсан АН-ын даргын үүргийг түр орлон гүйцэтгэгч Ц.Туваан болон Д.Бат-Эрдэнэ, Ж.Батсуурь, Н.Ганибал, О.Цогтгэрэл, Ш.Адьшаа, Б.Пүрэвдорж, С.Одонтуяа, Б.Бейсен, Д.Ганбат, А.Адъяасүрэн нар оролцлоо

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (85.218.48.83)  2020 оны 06 сарын 29

Yun hugin um be,ulsiin erunhilogch baij zaabal AN haniig abch uulzaad baihaar yadag bnaa?! Ulsiin erunhilogch hun unench shudarga baij ali ali gej yalgaj hubaahgui buh ih hurliin gishuudtei uulzaj uls orniihoo tuluu ebtei hamtran ajillaarai gej zahidagui yumu

0  |  0
Зочин (202.9.46.163)  2020 оны 06 сарын 29

Амжилт хүсэе

1  |  1
иргэн (202.9.46.69)  2020 оны 06 сарын 29

Баттулга өөрийн фракцаа яаран байгуулахын оронд УИХ-н анхдугаар чуулганыг зарлах ажлаа яармаар юм даа………………..улс орны чинь ЭЗ сүйрч байна Ерөнхийлөгч өө….

3  |  1
зочин (202.126.88.176)  2020 оны 06 сарын 29

ойлгосонгүй

1  |  0
эв нэгдэл (202.126.92.99)  2020 оны 06 сарын 29

Монгол улсын Ерөнхийлөгч бүх ард түмний эв нэгдлийг илэрхийлэгч байх ёстой болохоос намчирхаж суудаг зайран биш гэдгийг ойлгоогүй 3 жилийн нүүрийг үзэж хугацаа нь дууаж байна даа яана даа та.

4  |  0
Top