НЭГ ХОНОГТ: 290 хүн Гэмтлийн эмнэлгээр үйлчлүүлжээ

Эрүүл мэндийн яамнаас хоногийн мэдээг өгч байна.

Яаралтай түргэн тусламжийн 103 дугаарт нийт  2208 дуудлага ирснээс 423 нь яаралтай эмнэлгийн тусламж үйлчилгээ авч, 1305 нь зөвлөгөө мэдээлэл авчээ. Хоногийн мэдээгээр цусны даралт ихсэх 67,  хүүхдийн өвчлөл 132, осол гэмтэлтэй холбоотой 86 дуудлага холбогдож, өмнөх өдрүүдээс нэмэгджээ.

Эрүүл мэндийн яамны харьяа төрөлжсөн мэргэшлийн эмнэлгүүд болон тусгай мэргэжлийн төвүүдийн тусламж, үйлчилгээ үзүүлсэн хоногийн мэдээг хүргэж байна.

Эмнэлэгт үзүүлэх цаг захиалах нэгдсэн төвийн 1800-0119 дугаарт  210 дуудлага холбогдож амбулаторийн цаг захиалсан байна.

Мөн 1800-0119 дугаарт хүүхдийн 10 эмч тогтмол мэдээлэл, зөвлөгөө өгч ажиллаж байна. (Энгийн утасны тарифаар)

 ЭХЭМҮТ-д 35 нярай мэндэлж, ГССҮТ-д осол, гэмтлээр 290 хүн үйлчлүүлжээ. Амралтын өдөр яаралтай 45 мэс засал хийгджээ. Нийт 3311 хүн хэвтэн эмчлүүлж байна.

Цаг агаар хүйтэрч байгаатай холбогдуулан иргэд дулаан хувцаслаж, дархлаагаа дэмжих хоол хүнс хэрэглэн, олон нийтийн газар маскаа зүүн, гараа тогтмол ариутгаж өөрийгөө болон дотны хүмүүсээ амьсгалын замын өвчлөлөөс урьдчилан сэргийлэхийг зөвлөлөө.

Нэн яаралтай түргэн тусламж авах иргэд 103 дугаарт холбогдох шаардлагатай байдаг тул иргэд зөвлөгөө, мэдээлэл авах бол 1800-0119 дугаарт хандаж, мэргэжлийн эмч нараас зөвлөгөө, мэдээлэл авахыг санууллаа.