Японд нохойд зориулсан тэргэнцэр бүтээжээ

Я.Болор | Zindaa.mn
2020 оны 11 сарын 21

Японы Осака хотын оршин суугч Эйжи Каваниши арын хөл нь бэртэж, гэмтсэн нохойд зориулсан гурван мянга гаруй тэргэнцэр угсарчээ.

“Асахи” сонинд мэдээлснээр, 2012 онд түүний тэжээдэг байсан Свипиа нэртэй хав нохой нь нурууны дискний асуудлаас болж хэсэгчлэн саажилттай болжээ. Тэрбээр хайртай нохойдоо зориулан тэргэнцэр худалдан авсан ч энэ үүлдрийн нохойд тохирохгүй байсан аж. Тиймээс Эйжи тэргэнцрийг өөрчилж, шинэ дугуй, бүсээр тоноглосон байна. Ингэснээр хайртай нохой дахин явах боломжтой болжээ.

Үүнээс хойш хэдэн сарын дараа Эйжи ижил зовлонтой нохойтой хүмүүстэй танилцаж, өөрийн бизнесийг нээхээр шийджээ. Үйлдвэрийн тэргэнцрүүдээс ялгаатай нь тэрбээр тухайн нохойн хэмжээнд тохирсон тэргэнцэр бүтээдэг байна. Ингэхдээ тэрбээр ашгаас татгалзаж, бүтээгдэхүүнийхээ үнэ өртгийг бууруулсан байна. Өнгөрсөн хугацаанд Эйжи нийт гурван мянга гаруй тэргэнцэр том болон жижиг биетэй нохдод зориулан хийжээ.

“Тэргэнцэр нь зөвхөн явахад тусалдаг хэрэгсэл биш. Энэ нь амьтны биеийн нэг хэсэг болж, эзэнтэйгээ урт удаан хугацаанд эрүүл амьдрах боломж олгодог. Тиймээс би амьтдыг илүү жаргалтай болгож, эздийнх нь ачааг хөнгөлөхийг хүссэн юм” гэж Эйжи Каваниши ярьжээ.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Баатар  (109.89.151.254)  2020 оны 11 сарын 22

Арын хел!!!!!! Монгол хэл ийм ядмаг болхи болсон уу эсвэл сэтгуулчид гадаад хумуус болоо юу? Адгуусан дээр хойд хел гэж ярина Я. Болороо. Сур сур бас дахин сур сэтгуулчидээ. Редакторыг менге хэмнэх ууднээс хассаны гай л даа.

0  |  0
sar (223.104.3.207)  2020 оны 11 сарын 22

mongold hun hunee ch hairlahgui.tgd hogjdoggui.sanaa muutai blhoor zaya n muu bn.

0  |  0
Зочин  (122.201.21.79)  2020 оны 11 сарын 21

Сайхан сэтгэлтэй маш сайн хүн байна

0  |  0
 (103.212.119.184)  2020 оны 11 сарын 21

gaihamshigtai

0  |  0
Top