Гэрлэх санал тавиагүй гэж шүүхэд өгчээ

Я.Болор | Zindaa.mn
2020 оны 12 сарын 10

Замби улсад Гертруда Нгома гэгч 26 настай бүсгүй найз залуу 28 настай Херберт Салалики гэгчийг найман жил дотнын харилцаатай байхдаа гэрлэх санал тавиагүй гэж шүүхэд өгсөн тухай “The New York Post” хэвлэлд мэдээлжээ.

Үүнээс гадна Гертруда бүсгүйд найз залуу нь өөр хүнтэй болсон гэх хардлага төржээ. Гертруда Хербертээс хүүхэдтэй бөгөөд эцэг эхтэйгээ хамт амьдардаг бол найз залуу нь тусдаа аж төрдөг гэнэ. Бүсгүйн хэлснээр, тэрбээр залууг санаачилга гаргана гэж хүлээхээс залхсан тул ирээдүйдээ нухацтай, хариуцлагатай хандахгүй байна гэж шүүхэд өгсөн гэж тайлбарлажээ. “Би ирээдүйгээ мэдэх ёстой” гэж тэрбээр онцолсныг хэвлэлд дурдсан байна.

Харин Хербертийн зүгээс мөнгөний асуудлаас болж хуримаа хийж чадаагүй гэж учирлаж, бүсгүйг түүнд хангалттай анхаарал тавьж, халамжилдаггүй гэж эргүүлээд гомдолжээ.

Шүүгч гэрлэлтээ бүртгүүлээгүй учир хоорондоо асуудлаа шийдэхийг хосод зөвлөсөн байна.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
 (112.72.15.198)  2020 оны 12 сарын 11

оригнал эр орк бн

0  |  0
Zochin (85.218.48.83)  2020 оны 12 сарын 10

Emegtei huniig huuhedtei bolgoson hirnee halamjilaagui gêne ou?

0  |  0
Top