Халдвартай эх амаржихад авах арга хэмжээг нарийн тооцоогүйд асуудлын гол нь байна

2021 оны 01 сарын 20

Монгол Улсын Ерөнхийлөгч Х.Баттулга: Хүнлэг энэрэнгүй, ардчилсан нийгэмд хүн бүр эрүүл аюулгүй орчинд амьдрах эрхтэй ч иргэд эмнэлгийн тусламж авч чадахгүй амь насаа алдаж байна


“Монголчууд бид хүний эрх, эрх чөлөө, шударга ёс, үндэснийхээ эв нэгдлийг дээдэлж, эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилго болгон Үндсэн хуульдаа тунхагласан байдаг.

Гэтэл коронавируст цар тахал гарсан цагаас хойш иргэдийн эрх зөрчигдөх, эрүүл аюулгүй орчинд амьдрах эрхтэй иргэд амь насаа алдах тохиолдлууд тасрахгүй байна. Бодит баримтаас харахад, 2020 оны 11 дүгээр сарын 23-ны өдөр Сэлэнгэ аймгаас тархинд нь цус харвасан 10 настай охин яаралтай эмнэлгийн тусламж авахаар ирсэн ч холбогдох байгууллагуудын хүнд суртлаас үүдэн 3 цагийн турш хүйтэн машинд тусламж хүлээх явцдаа бие нь хүндрэн, ЭХЭМҮТ-д ирсэн ч амь насаа алдсан эмгэнэлтэй үйл явдал болсон. Мөн 2020 оны 12 дугаар сарын 07-ны өдөр 22-ын товчоон дээр ирсэн Архангай аймгийн иргэн 58 настай эмэгтэйн бие нь муудаж, эмнэлгийн туслалцаа авч чадалгүй амь насаа алдсаныг монголын ард түмэн мартаагүй байгаа.

Цар тахлын үед авч хэрэгжүүлж буй бодлого, үйл ажиллагаа бүр иргэдийн амьдралын бодит шаардлагыг хангасан, эцсийн зорилго нь тэдний сайн сайхны төлөө чиглэх ёстой билээ. Гэтэл цар тахлын энэ хүнд цаг үед бид иргэдийн төлөө гэсэн үйл ажиллагааныхаа эцсийн зорилгыг умартан монгол хүний үнэ цэнийг улам алдагдуулсаар байгааг өчигдөр болсон үйл явдал дахин баталлаа.

Монголчууд ёс заншлаа хүндэтгэн дээдэлж, “ээжийг хайрла, хүүхдийг хайрла” гэж үр хойчдоо сургадаг ч идэр есийн хүйтэнд дөнгөж төрсөн эх хүнд хандаж буй хандлага нь нийгэмд бухимдлыг төрүүлээд байна. Энэ бүхнээс харахад, холбогдох байгууллагуудын өнөөдөр явуулж байгаа цар тахлаас сэргийлэх, ард нийтийг урьдчилан сэргийлэх үйл ажиллагаа нь дээд, дунд, доод шатандаа удирдлагын уялдаа тогтолцоо хангалтгүй байгааг харуулж байна.

Дээрх ноцтой асуудлуудад эмч, эмнэлгийн ажилтнуудад хариуцлага тооцох нь чухал биш, харин анхнаасаа коронавируст цар тахлын үед халдвартай эх амаржвал авах арга хэмжээг нарийн боловсруулж тооцоолоогүйд асуудлын гол нь оршиж байна.

Монгол Улсын Үндсэн хуульд заасан хүн бүр эрүүл, аюулгүй орчинд амьдрах эрхийн баталгааг улам төгөлдөржүүлэхийн тулд цаашид иргэдийн хүсэл сонирхол, тэдний дуу хоолойг сонсож, үйл ажиллагаандаа тусгаж ажиллахыг сануулъя. Монгол хүн бүр эрүүл саруул байж, хүмүүнлэг иргэний ардчилсан нийгэмд айх аюулгүй, ялгаварлал тэгш бус байдлын золиос болохгүй энх тунх амьдрах болтугай.”

Монгол Улсын Ерөнхийлөгч Халтмаагийн Баттулга

Сэтгэгдэл ( 9 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(66.181.185.32) 2021 оны 01 сарын 20

Шинж тэмдэггүй коронагийн шинж гэж юу байнаа арай АМБАСЭЛМАА,НАРАНГЭРЭЛ НАР халдваргүй корана тусчихсан юм биш биз

0  |  0
zochin(202.179.24.195) 2021 оны 01 сарын 20

ondor tsalin ,bas uramschuulal avaadal baidag tegeed yagaad ajillaa chamgiin muu chiideg um??? , bid nar tsalingui uuchgui arai chiij odor chonog ongoroodog !!! , tsalin avaj ajillaa sain chiimeer bna.Ajliin bair bnuu ene Mongol ulsad!!!

0  |  0
Зочин(203.98.76.16) 2021 оны 01 сарын 20

Зүгээр л нэг бөөрөнхийлсөн мэдэгдэл

0  |  0
Shydraga irgen (178.209.135.155) 2021 оны 01 сарын 20

Vndesen hyyliin 6.2 ba 6.5 iig uurchiluugvi tsagt chi .Mongoliin tvvhendeh yrvagch erunhiilugch gej bichegdeh bolno.

0  |  0
Shar tokhoi (178.209.135.155) 2021 оны 01 сарын 20

Battylagaa.Chamad ardiin tvvhen baatar boloh 3 bolomj bna.Yag unuudruus ehleed OUYTOLGOIGOO ergvvlj ard tvmendee ashagtaigaar bolgoh.2.t.Bvh Mongol dahin MAPchisan olgiarhyydiig bvgediig ni hurungiig ni hyraaj daichilan barivchilah.Gants neg yrvagchidiig tsaatsalah. 3 t .Vndesen hyyliin 6.2 iig yaraltai tsytslah.Tegvel chi dahin songogdoj.Mongoliin tvvhend baatar boloh bolloltsoo bna.

0  |  0
Shar tokhoi (178.209.135.155) 2021 оны 01 сарын 20

Battylagaa.Chamad ardiin tvvhen baatar boloh 3 bolomj bna.Yag unuudruus ehleed OUYTOLGOIGOO ergvvlj ard tvmendee ashagtaigaar bolgoh.2.t.Bvh Mongol dahin MAPchisan olgiarhyydiig bvgediig ni hurungiig ni hyraaj daichilan barivchilah.Gants neg yrvagchidiig tsaatsalah. 3 t .Vndesen hyyliin 6.2 iig yaraltai tsytslah.Tegvel chi dahin songogdoj.Mongoliin tvvhend baatar boloh bolloltsoo bna.

0  |  0
ZOCHIN(66.181.176.100) 2021 оны 01 сарын 20

ODOO ALBAN TUSHAALAASAA BUUKH GEJ BAYJ INGEJ POPOROOD KHEREGGUYEE , , 4 JIL YU KHIIJ BAYWAA ,

1  |  0
Зочин(64.119.20.158) 2021 оны 01 сарын 20

ЧИ Л ДУТАВ ГЭЖ, МУУ ХАР ХАШААНЫ БАНХАР ЗАЙЛ ЖОВ!

1  |  1
pp(66.181.171.26) 2021 оны 01 сарын 20

ta sain temcteerei

0  |  0
Top