ВАКЦИН: Улаанбаатарын иргэдийн 51.2 хувь нь II тунд хамрагдаад байна

2021 оны 05 сарын 16

Эрүүл мэндийн яамнаас өгсөн коронавирусний халдварын нөхцөл байдлын өнөөдрийн (2021.05.16) ээлжит мэдээллийн үеэр ковидын эсрэг вакцинжуулалтын талаар дараах мэдээллийг өглөө.


МОНГОЛ УЛСЫН ДАРХЛААЖУУЛАЛТЫН ТАЛААРХ МЭДЭЭЛЭЛ

(2021.05.15, 19:00 цагийн байдлаар)

Монгол Улсад дархлаажуулалт хэвийн үргэлжилж байгаа. Та бүхнийг дархлаажуулалтад идэвхтэй хамрагдахыг уриалж байна. Улсын хэмжээнд 18-аас дээш насны 2 сая 67 мянган иргэнийг бүрэн вакцинд хамруулах зорилтыг Засгийн газар тавин, Эрүүл мэндийн яам хэрэгжүүлэн ажиллаж байна.

Сүүлийн 24 цагт Улаанбаатар хот болон хөдөө орон нутагт 10.308 хүн дархлаажуулалтад хамрагдсан байна. Энэ бол хангалттай тоо биш. Тиймээс иргэд та бүхнийг дархлаажуулалтад идэвхтэй хамрагдахыг ЭМЯ-аас уриалж байна. Дархлаажуулалтын бүрэн тун авсан хүмүүст тодорхой хэмжээний боломжууд нээгдэж байгаа. Тухайлбайл өчигдрөөс кофе шоп, саун, бассейн, фитнес клуб үйл ажиллагаагаа эхлүүлж байна. Эдгээрээр үйлчлүүлэх хүмүүс 2 дахь тунгаа аваад 14-өөс дээш хоносон хүмүүс үйлчлүүлж байна.

Улсын хэмжээнд 1-р тунд 1.770.527 (85%) хүн хамрагдсан бол 2-р тунд 641.023 (31%) хүн хамрагдаад байна.

Улаанбаатар хотод
 

  • 1-р тунд - 920.043 хүн (96.5%)
  • 2-р тунд - 487.900 хүн (51.2%)

Орон нутагт нийтдээ 1.1 сая хүн вакцинд хамрагдах ёстой. Үүнээс,

  • 1-р тунд - 850.484 хүн (76%)
  • 2-р тунд - 153.129 хүн (13%)

Дэлхий дахинд 196 улсад дархлаажуулалт явагдаж байгаа бөгөөд дархлаажуулалтад 1.370.301.605 хүн хамрагджээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Тоочин(122.201.23.219) 2021 оны 05 сарын 16

УБ хотод вакцинд хамрагдах 18-аас дээш насны хүн 1 142 279 юм уу 953 412 хүн юм уу. Өдөр бүр вакцинд хамрагдсан хүний тоо хувь өөр байх юм. Яг одоо вакцинд хамрагдаагүй хүний тоо хэд байгаа вэ. Энэ сарын эхээр 1 142,0 мянган хүнээс 63,6 хувь тариуллаа гээд байсан. Одоо 953,4 мянган хүнээс 96,5 хувь гээд байна.

0  |  0
Зочин(202.9.46.56) 2021 оны 05 сарын 16

ИРГЭД ВАКЦИНДАА ИДЭВХТЭЙ ХАМРАГДАЖ, 1, 2-Р ТУНГАА ХИЙЛГЭСЭН БОЛ МАСКАА ТОГТМОЛ ЗҮҮЖ ХАЛДВАР ХАМГААЛЛЫН ДЭГЛЭМЭЭ САЙН САХИЖ ЯВАХЫГ УРИАЛЖ БАЙНА. КОВИДГҮЙ ЗУНЫ ТӨЛӨӨ ИРГЭН БҮР ХИЧЭЭХ ХЭРЭГТЭЙ БАЙНА.

0  |  0
Top