Эмч нар суултаа үргэлжлүүлнэ

Монголын эрүүл мэндийн ажилтны ҮЭ-ийн холбооноос төв талбай дээр суулт хийж байгаа.

Түр торооныхон өчигдөр /2021.07.06/ хуралдаж, суултаа үргэлжлүүлэн, дараах эрх бүхий газруудад албан бичиг хүргүүлэхээр болжээ.

Тодруулбал, 
 

• Сангийн сайд, ХНХ-ын Сайдад Эрүүл мэндийн салбарын эмч, ажилтнууд цаашид энэ байдлаар ажиллах боломжгүй болсныг төсөв санхүү болон хөдөлмөрлөх эрхийг хамгаалдаг гол яамдын Сайд нарын хувьд хариуцлагатайгаар мэдэгдсэн албан бичиг,
   
• Сүхбаатарын талбай дээр 7дугаар сарын 1-нээс 7 дугаарын 9-ний хооронд суулт хийх тухай мэдэгдлийг СБД-ийн Засаг даргад,
   
• МҮЭ-ийн холбооны Ерөнхийлөгчийн Зөвлөлд МҮЭ-ийн холбооноос удирдан чиглүүлж, мэргэжил арга зүйгээр хангах албан ёсны хүн /МҮЭХ-ны 3 удирдлагын нэг/ томилж ажиллуулах зэрэг албан бичгийг тус тус хүргүүллээ.
   

Үүнээс гадна Эрүүл мэндийн яам дээр өчигдөр 15.00-19.00 цагийн хооронд дараах асуудлуудаар хэлэлцээ хийсэн байна.

Үүнд,
 

• Эрүүл мэндийн салбарын 2020-2021 оны хамт /тариф/-ын хэлэлцээрийг дүгнэж, нэмэлт хэлэлцээрийн төсөл дээр 3 талаар хэлэлцээ хийж Үндсэн цалинг 2 дахин нэмэгдүүлэх заалтаас бусад заалтууд дээр санал нэгдэж баталлаа.
   
• МҮЭ-ийн холбооноос УИХ, Засгийн газарт улсын төсөвт хойшлуулж болох зардлыг хэмнэж эмч, ажилтнуудын цалинг нэмэх талаар санал хүргүүллээ.

Түүнчлэн МЭМАҮЭ-ийн холбоо болон ТҮР ХОРОО-ноос шаардаж буй Үндсэн цалинг 2 дахин нэмэгдүүлэх асуудалд хоёр тал нэлээд хэлэлцсэний дүнд улсын болон салбарын төсөв дээр тооцоолол хийж 2 талаараа хэлэлцэн тохиролцсоны эцэст УИХ болон Засгийн газар, холбогдох яамдад хандаж шийдвэрлүүлэх чиглэлээр хамтран ажиллахаар,

Мөн Ерөнхий Сайд Л.Оюун-Эрдэнэтэй дээрх асуудлаар ТҮР ХОРОО-ны гишүүд биечлэн, салбарын ажилтнуудтай цахимаар уулзалт хийх ажлыг нэн яаралтай шийдвэрлэхэд ЭМЯ арга хэмжээ авч ажиллах зэрэг асуудлуудыг хэлэлцсэн байна.