Үгэнд ороогүй охиноо эзэнгүй арал руу явуулжээ

БНХАУ-ын Чэндү хотод нэгэн эцэг эх үгэнд нь ороогүй 13 настай  охиноо тус хотоос 2400 км зайд байрлах эзэнгүй арал дээр аваачжээ.

Хятадын “Global Times” хэвлэлд мэдээлснээр, арал дээр ирснээс хойш хоёр хоногийн дараа хүүхэд нутгийн загасчнаас тусламж гуйжээ. Тэрбээр эцэг эхтэйгээ хамт ирсэн ч арал дээрх хүнд нөхцөл байдлыг тэсвэрлэж чадахгүй гэжээ. Тус гэр бүл зөвхөн ус, чихэргүй жигнэмэг авсан ба гал ч түлж чаддаггүй байжээ.

Загасчин цагдаа дуудаж, тэднийг эрэг рүү аваачсан байна.

Охины эцэг эх хэвлэлд өгсөн ярилцлагадаа, энэхүү аялал нь хүүхдийн сэтгэл судлаачийн зөвлөснөөр хийсэн эрсдэлтэй нөхцөл байдал дахь сэтгэл зүйн дасгал байжээ. Охин сэтгэцийн асуудлаасаа болж өнгөрсөн оны есдүгээр сард сургуулиа хаясан гэнэ.