ДОХ-ын ХОЁР тохиолдол нэмж бүртгэгджээ

Өнгөрсөн зургаадугаар сард ХДХВ/ДОХ-ын тохиолдол 2 илэрч, нийт бүртгэгдсэн тохиолдол улсын хэмжээнд 316 болсон байна.

Халдварт өвчнөөр өвчлөгсөд оны эхний хагас жилд 121.2 мянга болж, өмнөх оны мөн үеэс 104.2 мянга буюу 7.1 дахин нэмэгджээ. Ковидын халдвараар өвчлөгсөд  113.5 мянгаар нэмэгдсэн нь үүнд нөлөөлжээ.

Харин салхин цэцгээр өвчлөгчид 91.6 хувиар, цусан суулгаар өвчлөгсөд 83.8 хувиар, вирүст хепатитаар өвчлөгсөд  69.9 хувиар, мөөгөнцрөөр өвчлөгсөд 65.1 хувиар, тэмбүүгээр өвчлөгсөд 47.2 хувиар, гар, хөл, амны өвчнөөр өвчлөгсөд 53.3 хувиар, трихомониазаар өвчлөгсөд  44.8 хувиар тус тус буурчээ.