Дархлаажуулалт жил бүр 2-3 сая хүний амийг авардаг

Суурь дархлаажуулалт нь амь насанд аюултай халдварт өвчнийг хянах, устгахад чиглэсэн шалгарсан арга бөгөөд жил бүр 2-3 сая хүний амь насыг авардаг гэсэн тооцоо байдаг гэж Үндэсний статистикийн хорооноос мэдээлж байна.

ДЭМБ-ын Хүүхдийн дархлаажуулалтын талаарх зөвлөмжид хүүхдийг сүрьеэ, сахуу, татран, хөхүүл ханиад, саа, улаан бурхан, хепатит Б, хемофилюс инфлюенза Б, пневмококийн нян, ротавирус, улаануудын эсрэг вакцинд хамрагдахыг зөвлөмж болгосон. Эдгээр зөвлөмж болгосон вакцинуудын ихэнх нь Монгол Улсын дархлаажуулалтын товлолд ордог аж.