Д.Сумъяабазар: Иргэн бүрд ээлтэй их хотын хөгжлийг хамтдаа бүтээцгээе
Монгол Улсын нийслэл Улаанбаатар хотын 382 жилийн ой өнөөдөр тохиож байна. Уг ойг тохиолдуулан Нийслэлийн Засаг дарга бөгөөд Улаанбаатар хотын Захирагч Д.Сумъяабазар мэндчилгээ дэвшүүлснийг бүрэн эхээр нь хүргэж байна.
Өдгөө Монгол Улсын нийт хүн амын 47.5 хувь нь оршин суудаг, ДНБ-ий 66.2 хувийг бүрдүүлдэг нийслэл хотын маань түүх 1639 оноос эхтэй бөгөөд түүх шастирт “Монгол гүрний төв цэг Их, Бага Монгол уулын хормой, Ширээт цагаан нуурын хөвөөнөө Түшээт хан Гомбодоржийн хүү Занабазарын “Өргөө” шар бүсийн ордыг байгуулав” хэмээн тэмдэглэсэн нь өнөөгийн Улаанбаатар хотын эхлэл юм. Түүнчлэн тэртээ XII зууны хоёрдугаар хагаст буюу “Монголын нууц товчоо”-нд “Хэрэйд аймгийн удирдагч Ван ханы өргөө Туулын хар шугуй гэдэг газар байв” хэмээн тэмдэглэснийг одоогийн Улаанбаатар хотын суурь мөн хэмээн үзэх судлаачид цөөнгүй байдаг.
Нийслэлийн Засаг дарга бөгөөд Улаанбаатар хотын Захирагчийн хувьд хотын үүсэл хөгжил, үнэт зүйлийг түгээн дэлгэрүүлэх эрдэм шинжилгээ, судалгааны ажлыг ямагт дэмжин ажиллахаа илэрхийлье. Учир нь Улаанбаатар хотын үүх түүх, өөрчлөлт шинэчлэлийн учир шалтгаан, нутаг орны сонгон суурьшсан эх үндэслэл зэргийг танин мэдэх нь шинэ Улаанбаатар хотын хөгжлийг зөв зурж, зөв төлөвлөж, зөв байгуулахын үндэс юм. Ийн аливааг уг үндэс, учир шалтгаанаар нь ойлгож гэмээн урагш илүү хол алхах боломж нээгдэх нь гарцаагүй юм.
Тиймээс ч өнгөрсөн жил гаруйн хугацаанд нийслэл хотын эрх зүйн орчныг сайжруулах зорилгоор боловсруулсан Нийслэл Улаанбаатар хотын эрх зүйн байдлын тухай хуулийн шинэчилсэн найруулгын төслийг УИХ-аар хуульчлан батлуулж чадлаа. Уг хууль батлагдсанаар хот бие даан бүтээн байгуулалтын төсөл, хөтөлбөр хэрэгжүүлэх боломжтой болсон бөгөөд улаанбаатарчуудын жилдээ татварт төвлөрүүлдэг 420 тэрбум төгрөгийг эргээд нийслэлийн бүтээн байгуулалт, түгжрэлийг цогцоор нь бууруулахад зориулах түүхэн шийдвэр Засгийн газраас гарсан нь нийслэл хотын хувьд цоо шинэ эргэлтийн цэг болж өгөв. Түүнчлэн 2010 оноос хойш удтал яригдсан Улаанбаатар хотын түгжрэлийг бууруулах зорилго бүхий Богдхан төмөр замын бүтээн байгуулалтын ажлыг эхлүүлж, шинээр дагуул хот байгуулах ажлыг эрчимжүүлж байна.
Мөн Улаанбаатар хот төдийгүй орон нутгаас сонгогдсон УИХ-ын гишүүд нэгдэн Улаанбаатар хотын хөгжлийн бодлого эрхэлсэн Түр хороог анх удаа байгуулж, хотын хөгжлийн төлөө нэг баг болон ажиллаж байгааг дуулгахад нэн таатай байна. Ингэснээр нийслэл маань ирэх жилүүдэд хүн төвтэй, орчин үеийн шийдэлтэй, зөв төлөвлөлттэй, тэлж хөгжсөн, иргэндээ ээлтэй хот болох бөгөөд Шинэ Улаанбаатар хотын хөгжлийн төлөө хамтран ажиллаж, хамтдаа бүтээхийг урьж байна. Иргэн бүрд ээлтэй их хотын хөгжлийг хамтдаа бүтээцгээе" гэжээ.
Холбоотой мэдээ
Сэтгэгдэл ( 6 )
юун улаанбаатар вэ? банк чинь дампуураад байна.улсын мөнгийг бушуу төлөөчээ..чамд энэ хотын даргын ажил огт зохихгүй.бас чадахгүй байна. чаддаг ажилаа хий.нэг заал түрээслээд хэдэн хүүхэд аваад ноцолдуул
Өөрөөсөө бас гэр бүлээрээ үлгэр жишээ бол, циркээ буцаагаад өгчих, бүрэн эрхт тусгаар уос байна даа нэг ч гэсэн цирктэй баймаар байна, хүүхэд залууст үзүүлж харуулах урлаг соёлтой баймаар байна, караоке, нийтийн дууны концертоос өөр үзэх юм алга болсон шүү, таны гэр бүлээс болоод.
ээлгүй хот болоодл бх юм.ногоон бгууламж гчээд зүлгээ.хүүхдийн т.талбайг буулгаад явган иргэд замгүй болоод б.а.далан эрэг дагуу ядаж н.бгууламж сууж амрах газар хийхгүй о.сууц брих зөвшөөрөл олгох юм.малнууд юмдаа
Юун түрүүн танд боловсрол хэрэгтэй байна аа дарга аа.
За хуц хуц. Энэ чацгын хэлж ярьж байгаа бүхэн худлаа. Боловсрол мэдлэг муутай, шуналын тулам болсон энэ мэт нөхдүүдээр удирдуулж байгаа бидний л хохь юм даа
Шуналын зайд фсда