Ажлын хэсэг Дорноговь аймагт ажиллаж байна

Б.Батчимэг | Zindaa.mn
2021 оны 12 сарын 09

Монгол Улсын Шадар сайдын 70, 104 дүгээр тушаалын хэрэгжилтийн хангах хүрээнд ОБЕГ-ын дэд дарга, УОК-ын Нэгдсэн шуурхай штабын дарга, бригадын генерал Б.Ууганбаяраар ахлуулсан ажлын хэсэг Дорноговь аймагт ажиллаж байна.

  Ажлын хэсгийн бүрэлдэхүүн Дорноговь аймгийн Шуурхай штабын зохион байгуулалт, авч хэрэгжүүлж байгаа арга хэмжээ, халдварын үеийн эрүүл мэндийн байгууллагын үйл ажиллагааны талаар мэдээлэл сонсож, холбогдох үүрэг чиглэл өглөө.

 Мөн шуурхай штаб, тохиолдлын удирдлагын тогтолцооны багийг чадавхжуулах сургалт, дадлага зохион байгуулж, сумын түвшинд  коронавируст халдварын хариу арга хэмжээний явцын үнэлгээ хийх юм.

 Ажлын хэсгийн бүрэлдэхүүнд ОБЕГ-ын Гамшгаас урьдчилан сэргийлэх, сургалт, сурталчилгааны хэлсийн дарга, хурандаа Д.Бат-Эрдэнэ, ЭМС-ын халдварт өвчний асуудал хариуцсан зөвлөх А.Амбасэлмаа, МХЕГ-ын Эрүүл мэндийн газрын дарга С.Сүнчин, хэлтсийн дарга Л.Гэрэлмаа, ДЭМБ-ын мэргэжилтэн Б.Дуламрагчаа нар ажиллаж байна.

 Эх сурвалж: УОК-ын Нэгдсэн Шуурхай штаб

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top