Сайжруулсан түлшний борлуулалтын 600 цэг ажиллаж байна
Нийслэлийн удирдах ажилтны шуурхай зөвлөгөөн өнөөдөр /2021.12.13/ боллоо.
Өнгөрсөн шуурхай зөвлөгөөнөөр нийслэлийн төсвийн орлогын биелэлтэд анхаарч ажиллахыг үүрэг болгосон бөгөөд одоогийн байдлаар хотын төсөв 17 тэрбум төгрөгийн тасалдалттай байгаа аж. Дүүргүүдээс Хан-Уул, Сүхбаатар дүүрэг төсвийн орлогын тасалдалттай, бусад дүүрэг төсвийн орлогын төлөвлөгөөгөө биелүүлсэн дүнтэй байна. Сайжруулсан түлшний 600 борлуулалтын цэг ажиллаж, өдөрт дунджаар 3200-3800 тонн түлш борлуулж байна.
Нийтийн тээврийн үйлчилгээний тээврийн хэрэгслийн цэвэрлэгээ, үйлчилгээг сайжруулах, жолооч нарын харилцаа хандлагад анхаарах үүрэг өгсний дагуу давхардсан тоогоор 16 мянга гаруй тээврийн хэрэгсэлд цэвэрлэгээ, ариутгал хийжээ. Авто замын нэгдүгээр эгнээгээр зорчиж, нийтийн тээврийн үйлчилгээнд саад учруулсан 9005 тээврийн хэрэгсэл, автобусны зогсоол дээр зогссон 705 тээврийн хэрэгслийн жолоочид хариуцлага тооцжээ. Нийслэлийн хэмжээний төрийн албан хаагчдын нэгдсэн систем буюу ERP-гаар нийтдээ 8721 үүрэг даалгавар өгөгдсөнөөс 87 хувийн гүйцэтгэлтэй биелсэн гэсэн дүнг НЗДТГ-ын Хяналт-шинжилгээ, үнэлгээний хэлтсийн дарга Х.Гантулга танилцуулсан юм.
Сэтгэгдэл ( 1 )
Энийгээ нэмээчээ хаанаа ч хүрэлцэхгүй байна ш дээ, өөрсдөө яваад хараач нэг ч хэвийн өгч байгаа газар алга ирээд машин дээрээсээ дуусчаад байна