24 ЦАГТ: Ковидын 157 тохиолдол бүртгэгдэж, НЭГ ХҮН эндлээ

Коронавирусний халдварын нөхцөл байдлын талаарх өнөөдрийн (2021.12.28) ээлжит мэдээллийг хүргэе.

Монгол Улсын хэмжээнд сүүлийн 24 цагт "Ковид-19" халдварын 157 шинэ тохиолдол бүртгэгдлээ. Харин өнгөрсөн хоногт архаг суурь өвчтэй, ковид хавсарсан нэг хүн эндсэн байна.

Шинээр бүртгэгдсэн тохиолдлыг задалбал
 

• Улаанбаатарт - 93
• Орон нутагт - 62

Нас барсан өвчитнүүдийг насны бүлгээр нь авч үзвэл

• 61-80 настай - 1

Өнөөдрийн байдлаар эмнэлэгт 1832, гэрийн хяналтанд 3255 хүн байна. Хэвтэн эмчлүүлэгсдийн 281 нь хүүхэд, 88 нь жирэмсэн эх. Харин эмнэлэгт хэвтэн эмчлүүлэгчдээс 211 хүний бие хүнд, 29 хүний бие нэн хүнд байна.