АНУ Эстон руу зургаан сөнөөгч онгоц илгээжээ

АНУ-ын Агаарын цэргийн хүчний зургаан “F-15E Strike Eagle” сөнөөгч онгоц Эстонд очжээ.

АНУ эдгээр сөнөөгч онгоцыг Балтийн тэнгисийн орнуудын агаарын орон зайг хамгаалах ажиллагааг дэмжин илгээсэн байна.

Эстоны Жанжин штабын хэвлэлийн албанаас мэдээлснээр “F-15E Strike Eagle” сөнөөгч онгоцнууд Astute Protector сургуулилтын хүрээнд Эмари агаарын баазад газарджээ.

АНУ-ын зургаан сөнөөгч онгоц Бельгийн “F-16” онгоцнуудын хамтаар үүрэг гүйцэтгэх юм.