Монгол Улсын түүхэнд бар жил хэрхэн тэмдэглэгдэн үлдсэнийг хүргэж байна.
- Монголын анхны төрт улс Хүннүгийн шаньюй Модуны хөвгүүн Лао шаны мэндэлсэн улаан бар жил,
- Сяньби угсааны Муюн Хуан Луут хэмээх шинэ хотоо байгуулсан 342 оны хар бар,
- Монголын дээдэс Жужаны хаант улс байгуулагдсан 402 оны хар бар,
- Уйгурын Ази дахь хамгийн том хот, торгон замын төв Хар балгасыг байгуулж эхэлсэн 750 оны цагаан бар,
- Кидани улсын алдарт хаан Амбагян хаан ширээнд заларсан 918 оны шар бар,
- Хамаг монголын ханд Хотула заларсан 1158 оны шар бар,
- Тэмүүжин Бөртэ хатантай сүй барилдсан 1170 оны цагаан бар,
- Дэлхийн эзэнт гүрэн Их Монгол улс байгуулагдсан 1206 оны улаан бар,
-
- Чингис хаан өрнө дахинд 500 элчээ илгээсэн 1218 оны шар бар,
- Монголын эзэнт гүрний далай их хаан Өгөөдэй анхны албан татварын хууль гаргасан 1230 оны цагаан бар,
- Монголын Бат хаан Каспийн тэнгисийн эрэгт Сарай хотоо байгуулж, Унгар, Польш, Крым, Кавказын нутгыг эзэлж, Дунай мөрний сав газрыг бүрэн эрхшээлдээ буулган авсан 1242 оны хар бар,
- Хубилай сэцэн хаан анхны элчээ аралын Японд илгээсэн 1266 оны улаан бар,
- Юань улсын сүүлчийн Их хаан Ухаант Тогоонтөмөр хааны төрсөн ах хаан Ренчинбалын мэндэлсэн 1326 оны улаан бар,
- Түмэдийн Алтан хаан Түвэдийн хуврагат Далай лам хэмээх цол хайрласан 1578 оны шар бар,
- Оросын элч монголчуудтай нүүр тулсан 1614 оны хөх бар,
- Хотогойдын Омбо-Эрдэнэ хун тайж Оросын хаанд анх цай уулгасан 1638 оны шар бар,
- Өндөр гэгээн Занабазарын уран бүтээлийн ордон Сарьдаг хийд байгуулагдаж дууссан 1686 оны шар бар,
- Манжийн хааны зарлигаар Хан Хэнтий уул Бурхан Халдун уулыг тахиж эхэлсэн 1818 оны шар бар,
- Монголын анхны парламент Улсын Дээд, Доод хурал байгуулагдсан 1914 оны хар бар,
- Их Эзэн хааныхаа гэрэлт хөшөөг төрсөн нутагт нь сүндэрлүүлсэн 1962 оны хар бар,
- Чингис хаан хаад язгууртны музей нээгдэх 2022 оны хар бар түүхэн жилүүд тохиосон Усан бар жилийн сар шинийн мэнд дэвшүүлж түүхэн үйл хэргийн жил болохыг ерөөж байна.
Эх сурвалж: Академич, түүхч С.Чулуун
Сэтгэгдэл ( 1 )
burhan halduuniig manjiin haanii zarligaar tahij bsan yum uu yamar balai yum be\n