Л.Энх-Амгалан сайд өнөөдөр эцэг, эхчүүдтэй ЦАХИМ УУЛЗАЛТ хийнэ

Бүх шатны боловсролын байгууллагын хоёрдугаар улирлын хичээл эхлэх гэж байгаатай холбогдуулан Боловсрол, шинжлэх ухааны сайд Л.Энх-Амгалан эцэг эх, асран хамгаалагчидтай онлайнаар уулзалт хийхээр болжээ. 

Онлайн уулзалт өнөөдөр (2022.02.10) 19:00 цагаас болох ба ерөнхий боловсролын сургуульд сурдаг хүүхэдтэй бүх эцэг, эхчүүд оролцох боломжтой.
 

• Хоцрогдлын түвшин аль ангид ямар хэмжээнд хүрсэн
   
• Ямар хичээлийн аль агуулга дээр анхаарах шаардлагатай
   
• Сургалтын үйл ажиллагаанд эцэг эх, асран хамгаалагчдын оролцоо
   
• Сурагчдад аав ээжийнх нь үзүүлэх сэтгэл зүйн дэмжлэг гээд олон чухал асуудлаар санал солилцох болно.
   

Онлайн уулзалтад сургууль бүрийн эцэг, эхийн зөвлөл ZOOM холболтоор оролцох бол бусад асран хамгаалагчид
 

• https://www.facebook.com/MinistryofEdu
   
• https://www.facebook.com/LEnkhamgalan
   
• https://www.facebook.com/education.agency.mongolia хаягаар дамжуулан фэйсбүүк шууд дамжуулалтыг хүлээн авах, сэтгэгдэл хэсэгт асуултаа илгээх боломжтой.

Дараагийн ээлжинд Боловсрол, шинжлэх ухааны сайд цэцэрлэгийн насны хүүхэдтэй эцэг эх, асран хамгаалагчидтай уулзалт зохион байгуулах болно.