ЧД: Эрчим хүчний өндөр хэмнэлттэй орон сууцны хотхон баригдаж байна

Чингэлтэй дүүргийн Иргэдийн Төлөөлөгчдийн Хурлын дарга Б.Мөнхбат, Засаг дарга Н.Батсүмбэрэл, Засаг даргын Дэд бүтэц, төлөвлөлтийн асуудал хариуцсан орлогч дарга, ИТХ-ын Төлөөлөгч Д.Отгонбаатар, Засаг даргын Нийгмийн хөгжлийн асуудал хариуцсан орлогч дарга, ИТХ-ын Төлөөлөгч Ч.Болормаа, Засаг даргын зөвлөх, ИТХ-ын Төлөөлөгч Н.Бямбагэрэл нар дүүргийн 10 дугаар хорооны нутаг дэвсгэрт баригдаж буй Хайбрид хаус хотхоны барилгын үйл явцтай танилцлаа.

 

Тус хотхон нь гэр хорооллын хөрсний бохирдлыг шийдвэрлэх зорилгоор Герман улсын хамтын ажиллагааны нийгэмлэгийн Агаарын бохирдлыг бууруулах төсөл, Монголын банкны холбооны “ТоС холбоо”, Төрийн орон сууцны корпораци болон "Хайбрид хаус" ХХК хамтран эрчим хүчний өндөр хэмнэлттэй орон сууцны хотхоны төслийн хүрээнд баригдаж байна.

Энэхүү төсөл нь Монгол орны эрс тэс уур амьсгал буюу -40 градуст 100мквт хүртэлх амины орон сууцыг ямар нэгэн халаах хэрэгсэлгүйгээр, 100 хувь нарны илчийг өөртөө шингээн халаах hybrid технологийг амжилттай туршин нэвтрүүлж байгаагаараа онцлог юм.