Мазаалайг хамгаалах асуудлаар эрдэмтэдтэй уулзлаа

Монгол Улсын нэн ховор амьтан Мазаалай баавгайг хамгаалах талаар өмнө хийсэн судалгааны дүн, хамгааллын чиглэлээр тулгамдаж буй асуудлууд болон цаашид авч хэрэгжүүлэх арга хэмжээний талаар яг одоо /2022.02.16/ БОАЖ-ын сайд Б.Бат-Эрдэнэ, эрдэмтэн судлаачидтай уулзалт хийж байна.

Уулзалтад, БОАЖ-н Дэд сайд Г.Түвдэндорж, Ховор амьтдын судалгаа, менежментийн нийгэмлэгийн тэргүүн, доктор Б.Мижиддорж, ШУА-ийн Ботаникийн цэцэрлэгт хүрээлэнгийн захирал, доктор, профессор И.Түвшинтогтох, Мазаалай баавгайг хамгаалах төслийн зохицуулагч, судалгааны багийн ахлагч доктор Л.Амгалан, Мазаалай хамгаалах сангийн тэргүүн А.Баясгалан зэрэг эрдэмтэн, судлаачдын төлөөлөл, БОАЖЯ-ны Хүрээлэн буй орчин, байгалийн нөөцийн удирдлагын газрын дарга А.Энхбат болон албаны бусад төлөөлөл оролцож байна.