Өвс, давсаар биотехникийн арга хэмжээ авчээ

2022 оны 02 сарын 24

Хан Хөхийн нурууны УТХГН-ийн хамгаалалтын захиргааны албан хаагчид Увс аймгийн нутаг дэвсгэрт орших Алтан элсний Дархан цаазат газар, Хан Хөхийн нурууны Байгалийн цогцолборт газрын зарим хэсгүүдэд зэрлэг амьтдын идэш тэжээл, амьдрах орчныг сайжруулах зорилгоор өвс, давсаар биотехникийн арга хэмжээ авчээ.

Тус үйл ажиллагаанд хилийн цэргийн 0311 дүгээр ангийн албан хаагчид хамтран оролцсон аж.

Хан хөхийн нуруунд хаваржилт сайхан болж, амьтан цутарч эцээгүй байгааг хамгаалалтын захиргаанаас мэдээллээ.

 
"БИОТЕХНИКИЙН АРГА ХЭМЖЭЭ" ГЭЖ ЮУ ВЭ?
 
Амьтны амьдрах болон идэш тэжээлийн нөхцөлийг сайжруулахад чиглэгдсэн үйл ажиллагааг "биотехникийн арга хэмжээ" гэж хэлнэ. Өөрөөр хэлбэл цас зуд, ган гачиг, байгалийн онц үзэгдэл гэх мэт бусад шалтгаанаас болж зэрлэг ан амьтан идэш тэжээл, усаар гачигдаж эрсдэлд орсон үед хоол тэжээл, өвс, хужир тавьж өгөх, хөлдсөн ус, булаг шандны мөсийг хагалж ус гаргаж өгөх гэх мэт арга хэмжээ авахыг хэлнэ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
(103.10.20.57) 2022 оны 02 сарын 24

0  |  0
Top