Аврагч холбоочин, дуудлага хүлээн авагч нарын сургалт боллоо

Нийслэлийн Онцгой байдлын газраас аврагч холбоочин, дуудлага хүлээн авагч  нарын мэргэжлийн ур чадварыг дээшлүүлэх, хууль эрх зүй, цэргийн хэргийн мэдлэг олгох сургалтыг Гамшгаас хамгаалах сургалт арга зүйн төвийн 3D танхимд зохион байгуулж байна.

Сургалтад бүтцийн нэгжүүдийн  60 гаруй алба хаагч хамрагдаж байгаа холбоо зохион байгуулалт, цэргийн дүрэмт хувцас өмсөх дүрэм, эмнэлгийн анхан шатны тусламж,  цэргийн холбоо түүний бүтэц, холбооны үүсэл, хөгжил, хэтийн төлөв,  хувь хүн ба харилцан ярианы соёл,  анги, салбарт ашиглагдаж байгаа аналоги болон тоон радио станцын ашиглалт, ажиллагаа зэрэг сэдвүүдийн хүрээнд мэдлэг, мэдээлэл олгох юм.

Ингэснээр аврагч холбоочин, дуудлага хүлээн авагчдын ажлын хариуцлага, мэргэжлийн ур чадвар,  цэргийн сахилга хариуцлага, харилцан ойлголцол, ажлын уялдаа, харилцаа хандлагыг дээшлүүлэх ач холбогдолтой.

Эх сурвалж: Нийслэлийн Онцгой байдлын газар