БШУ-ны сайдад ёс зүйн зөрчилтэй холбоотой 577 захидал иржээ

Ёс зүйн жилийн хүрээнд Боловсрол, шинжлэх ухааны яамнаас "Сайдад и-мэйл бичээрэй" 14 хоногийн аяныг энэ оны хоёрдугаар сарын 01-14-ний хооронд зохион байгуулсан.  Энэ хугацаанд 1052 санал боловсролын сайдад ирснээс 577 нь ёс зүйн зөрчил, харилцаа хандлагын доголдол, ялгаварлан гадуурхалттай холбоотой байжээ.

Захидлыг төрлөөр нь ангилбал:

-Сургуулийн орчин дахь үе тэнгийнхний дээрэлхэлт

-Боловсролын удирдах ажилтны ёс зүй, хүний нөөц, байгууллагатай холбоотой

-Багш, ажилтан – сурагч, оюутан - эцэг эх, асран хамгаалагчдын хоорондын үл ойлголцол

-Суралцах орчны аюулгүй байдал

-Тусгай хэрэгцээт хүүхэд, тэдний асран хамгаалагчдад тулгарч буй бэрхшээл

-Сурах бичиг сургалтын хөтөлбөр, агуулгатай холбоотой

-Ёс зүйн зөрчлийг арилгасан сайн туршлага гэсэн дэд хэсгүүдэд багцлав.

Захидлын ирүүлснээр нь ангилбал:

-52 хувийг эцэг эх, асран хамгаалагч

-28 хувийг салбарын багш, ажилтан

-12 хувийг сурагч

-8 хувийг оюутнууд ирүүлсэн байна.