Улсын аварга тариаланч Азаханы Авдалд шагналыг нь гардууллаа

2022 оны 03 сарын 02

ХХАА-н сайд З.Мэндсайхан Улсын аварга тариаланчаар шалгарсан Азаханы Авдалын аваргын цом, өргөмжлөл, тууз, энгэрийн тэмдгийг Сангийн дэд сайд С.Мөнгөнчимэг, Ховд аймгийн засаг дарга Б.Дүгэржав нарын хамт гардуулан өглөө.

Ховд аймгийн Мянгад сумын уугуул А.Авдал нь газар тариалангийн үйлдвэрлэлийг тасралтгүй 45 жил эрхэлж, ажлын арга барил туршлагаа хүүхдүүддээ болон залууст зааж сургасаар ирсэн тэргүүний тариаланч юм.

Хүүхдийнхээ хамт нийт 20 гаруй га талбайд төмс, хүнсний ногоо, нарийн ногоо тариалдаг бөгөөд шавь нар дундаас нь сумын тэргүүний тариаланч гурав, аймгийн тэргүүний тариаланч хоёр төрөөд байна. Түүний хөдөлмөр зүтгэл амжилтыг үнэлж, сум, аймгийн тэргүүний тариаланчаар тодруулж байв.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ж.Баярхүү (192.82.73.83)  2022 оны 03 сарын 02

Ангийн найздаа баяр хүргэж амжилт хүсье. Намартаа уулзанаа.

0  |  0
Top