Сэтгэцийн эмгэгтэй болсон Канье Уэстийн АЙМШГИЙН клип

44 настай реппэр Канье Уэст хэдхэн хоногийн өмнө "Eazy" хэмээх дууны клипээ цацсан. Тус дууны клип дээр Ким Кардашъяаны найз залуу болох Пет Дэвидсонтой төстэй хүүхэлдэйг хулгайлж, толгойг нь тастаж буй үйл явдал гардаг бөгөөд “God saved me from that crash/ Just so I can beat Pete Davidson’s ass” хэмээн өгүүлбэрийг дуундаа багтаажээ. 

Каньегийн энэхүү дууг сонссон хүмүүс  "Маш аймшигтай" хэмээн дүгнэжээ. Хоёр туйлт сэтгэцийн эмгэгээр өвчилсөн Канье комедиан Пет Дэвидсоныг гэмтээхвий хэмээн айж байгаагаа илэрхийлж байсан Ким Кардашъяан түүнээс яаралтай салах хүсэлтэй байгаа тухайгаа өнгөрсөн долоо хоногт харьяа шүүхэд мэдүүлсэн. Мөн Ким Кардашъяан Пет Дэвидсонд ямар нэгэн муу зүйл тохиолдох юм бол Каньег хамгийн түрүүнд буруутгах болно хэмээн мэдэгдэж байсан удаатай.

Канье Уэст жүжигчин Жулия Фокстой үерхдэг байхдаа Валентины баяраар экс эхнэртээ машин дүүрэн сарнай бэлэглэсэн нь багагүй дуулиан тарьсан. Энэхүү үйл явдал мөн Eazy дуун дээр гардаг бөгөөд Пет Дэвидсон гэгдээд буй дүрийн толгой дээр сарнайн үр асгаж, сарнай ургаж гүйцмэгц тастаж аван, Кимд илгээж буй дүрслэл гардаг байна. 

Ким, Канье нарын гэрлэлтийг өнгөрөгч лхагва гарагт албан ёсоор цуцалсан бөгөөд Канье Уэст олон нийтийн сувгаар дамжуулан түүнтэй эргэн нийлэх хүсэлтэй байгаагаа удаа дараа илэрхийлж байсан ч эцэст нь экс эхнэртэйгээ ижилхэн харагддаг Чэйни Жонс гэх эмэгтэйг сонгосон билээ. Чэйни Жонсыг Кимтэй адилхан хувцаслаж, хаа сайгүй хамт явах болсон тэрээр хэрээс хэтэрч байна хэмээх сэтгэгдэл олон нийтийн сүлжээнд тархах болжээ.