Сар бүрийн шинийн 8, 15-нд ХАНИЙН ДАЛЛАГА айлддаг

Бусдад Туслахуй Анагаах Ухааны Манба дацан хийдээс эмэгтэй хүүхдүүдэд Гэцэнпилийн даллага буюу ханийн даллага авахуулах хэрэгтэй талаар дараах мэдээллийг өгч байна.

Бар, луу, морь жилтэй эмэгтэй хүүхдийн 13, 16, 18 насанд нь ханийн даллага авахуулах хэрэгтэй. Хань ижлээ зөв сонгох талаар бурханы шашинд хүртэл номлосон байдаг.Зурхайн ухаанд бэрийн зурхай гэж байдаг бөгөөд түүнд ханийн тэнгэр, үрийн заяаны талаар дэлгэрэнгүй номлосон байдаг.

12 жилийг зургаа, зургаан жилээр нь эр, эм гэж хуваадаг. Хулгана, бар, луу, морь, бич, нохой гэсэн сондгой жилүүдийг эр жил гэнэ. Харин үхэр, туулай, могой, хонь, тахиа, гахай жилийг тэгш жил буюу эм жил гэдэг. Эмэгтэй хүн сондгой буюу эр жилд төрсөн бол ханийн даллагыг бага наснаас буюу 13, 16, 18 насандаа авахуулах хэрэгтэй. Тэр дундаа бар, морь, луу жилтэй охид илүүтэй анхааран засал ном хийлгэх нь чухал.

Ханийн даллагыг хүрээ хийдүүд Гэнцэнбэлцэгийн даллага нэрээр айлддаг. Харин Төвөд нэрийг нь Гэцэнпил хэмээдэг. Ханийн даллага нь насны ханийг урин дуудах зан үйлийн уншлага юм.

Нэмж мэдээлэхэд  2022 орны гуравдугаар сарын 10-ны өдөр Шинийн 8 тохиож байна. Энэ өдөр нь Дарь Эх, Манал бурханы буулттай өдөр /яг энэ өдөр эдгээр бурхад замбуу тивд заларч байдаг/ тамын хаалга хаалттай ганц өдөр гэж бурхны /Будда/ шашинд заасан байна.

Хүн тэргүүтэй эх болсон зургаан зүйлийн хамаг амьтан бүгд амар амгаланг хүснэ. Амар амгалангийн үндэс нь бусдыг энэрч хайрлах, өргөж тэтгэх, буян үйлдэх, сайн сайхныг сэтгэн түгээхэд оршдог хэмжээ.