ЧИНГЭЛТЭЙ: ЕБС-ийн захирлуудын шуурхай хурал боллоо

Чингэлтэй дүүргийн Ерөнхий боловсролын сургуулийн захирлуудын ээлжит шуурхай хурал өнөөдөр боллоо. Хурлыг дүүргийн Засаг даргын Нийгмийн хөгжлийн асуудал хариуцсан орлогч Ч.Болормаа удирдан явуулж, сургуулийн удирдлагуудад цаг үеийн холбоотой асуудлуудаар мэдээлэл өгч, тодорхой чиглэлээр үүрэг өглөө.

Мөн үеэр Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Засаг даргын дэргэдэх Боловсролын хэлтсийн дарга Ш.Оюунсүрэн нар Ерөнхий боловсролын сургуулийн захирлуудад холбогдох чиглэлүүдийг өгч, дүүргийн 30 жилийн ойн хүрээн дэх төлөвлөгөөт ажлуудаа хэрэгжүүлж ажиллах, хөрөнгө оруулалт бүтээн байгуулалтын ажлуудад идэвх санаачилгатай оролцох, бүх нийтийн их цэвэрлэгээний ажлын зохион байгуулалтад анхаарах зэрэг асуудлаар чиглэл өгч ажиллалаа.