Цахилгааны шөнийн тарифын хөнгөлөлт дөрөвдүгээр сарын 1-нд ДУУСНА

"Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журам”-ын дагуу гэр хорооллын айл, өрхийн орой, шөнийн цагт хэрэглэсэн цахилгааны тарифт улсаас хөнгөлөлт үзүүлдэг. Тодруулбал, 10 мянгаас дээш хүн амтай суурин газрын гэр хорооллын бүсэд орших өрхийн шөнийн цагт хэрэглэж буй цахилгааны тарифыг 0 төгрөг болгодог. Ингэхдээ жил бүрийн арваннэгдүгээр сарын 1-нээс хөнгөлөлтөд хамруулдаг билээ. Тэгвэл энэхүү хөнгөлөлтийн хугацаа дөрөвдүгээр сарын 1-нд дуусч байна.  Ингэснээр ирэх долоо хоногийн баасан гарагаас буюу дөрөвдүгээр сарын 1-нээс гэр хорооллын иргэд энгийн тарифаар цахилгааны хэрэглээний мөнгө төлж эхлэх юм.