Нийслэлийн ногоон бүсэд хөдөлгөөнт эргүүл ажиллаж эхэллээ

Нийслэлийн ногоон бүсэд шар өвс, ой хээрийн түймрээс урьдчилан  сэргийлэх ажлыг эрчимжүүллээ.Тодруулбал ногоон бүсэд нийслэлийн Онцгой байдлын газар, Цагдаагийн удирдах газар, Байгаль орчны газар, Богдхан уулын Дархан цаазат газрын хамгаалалтын захиргаа хамтран хөдөлгөөнт эргүүл хяналтын бүрэлдэхүүн  үүрэг гүйцэтгэж эхэллээ.

Нийслэлийн Хан-Уул, Чингэлтэй, Баянзүрх, Сүхбаатар, Сонгинохайрхан дүүргийн ногоон бүсийн 5 чиглэлд ой хээрийн түймрээс урьдчилан сэргийлэх, аялал зугаалгаар зорчиж буй иргэдийн аюулгүй байдлыг хангаж хяналтыг хэрэгжүүлэх юм.

Хөдөлгөөнт эргүүл, хяналт  2022 оны 03 дугаар сарын 20-ноос 06 дугаар сарын 10 хүртэл ажиллана гэж нийслэлийн Онцгой байдлын газраас мэдээллээ.