Энэ амралтын өдрүүдээр паркын тоглоомууд ажиллана

Цаг агаар дулаарч байгаа учир энэ амралтын өдрүүдээр Үндэсний соёл амралтын хүрээлэнгийн тоглоомууд ажиллахаар болжээ.

Тодруулбал, Маргааш, нөгөөдөр цаг агаар дулаахан буюу 11-13 градус байх юм. Тиймээс Үндэсний соёл амралтын хүрээлэнд Алсыг харагч, Агаарын дугуй, Саран савлуур, Уран жолоодлого, Бөмбөгтэй машин, Нархан, Хүслийн галт тэрэг, Хөгжөөнт баавгай гэх найман тоглоом ажиллах аж. Ингэхдээ 11.00-19.00 цагийн хооронд ажиллана гэж Үндэсний соёл амралтын хүрээлэнгээс мэдээллээ.