"Минж үржүүлэх, нутагшуулах төв"-тэй танилцлаа

УИХ-ын гишүүн Х.Булгантуяа, БОАЖ-ын сайд Б.Бат-Эрдэнэ, “People in need” ОУ-ын байгууллага, “Өсвөрийн парламент хөтөлбөр”-ийн оролцогчдын хамт Нийслэлийн байгаль орчны газрын "Минж үржүүлэх, нутагшуулах төв"-ийн үйл ажиллагаатай  /2022.04.02/ танилцлаа.

"Усны инженер-Минж"-ийн усны экосистемд үзүүлэх ач холбогдол, тоог нэмэгдүүлж үржүүлэх, нутагшуулах үйл явцын талаар  мэргэжилтнүүд мэдээлэл хийсэн.

Мөн  хүний буруутай үйл ажиллагаанаас үүдэн ус хэрхэн бохирдож байгаа,  усны нөөцийг хамгаалах, бохирдлоос сэргийлэх, "Усны сан бүхий газар, усны эх үүсвэрийн онцгой болон энгийн хамгаалалтын, эрүүл ахуйн бүсийн дэглэмийг мөрдөх журам"-ын талаар чөлөөт ярилцлагыг хийсэн юм.