Улсын хэмжээнд АИ-92 автобензиний 43 хоногийн нөөцтэй байна

Уул уурхай, хүнд үйлдвэрийн яамнаас мэдээлснээр, улсын хэмжээнд гуравдугаар сарын 31-ний өдрийн байдлаар нийт 157,835 тонн шатахууны нөөцтэй байна.

Тодруулбал:

• А-80 авто бензин 12,901 тонн
• АИ-92 авто бензин 57,607 тонн
• АИ-95 авто бензин 3,993 тонн
• ДТ 81782 тонн байгаа аж.

Нөөцийг хоногоор тооцвол:

• АИ-92 авто бензиний 43
• АИ-95 авто бензиний 45 хоногийн
• А-80 авто бензиний 77
• Дизель түлшний 30 хоногийн нөөцтэй байна.

Улаанбаатар хотын хэмжээнд нийт 82,461 тонн шатахууны үлдэгдэлтэй байгаагаас А-80 авто бензин 3464 тонн, АИ-92 авто бензин 34642 тонн, АИ-95 авто бензин 2299 тонн, ДТ 40,615 тонн байна. Улмаар АИ-92 авто бензиний 36, АИ-95 авто бензиний 34, дизель түлшний 37 хоногийн буюу хэвийн нөөцтэй байна.

Шатахууны нөөцийг бүсчилбэл:

• Баруун бүсэд 16,046 тонн
• Хангайн бүсэд 10,947 тонн
• Төвийн бүсэд 32,648 тонн
• Зүүн бүсийн шатахууны үлдэгдэл нөөц 10,630 тонн байна.

Манай улс он гарснаас хойш нийт 414.3 мянган тонн газрын тосны бүтээгдэхүүн импортолжээ.